अर्घाखाँची । राष्ट्रिय स्वतन्त्र पार्टी (रास्वपा) ले अर्घाखाँचीको सन्धिखर्क नगरपालिकामा नगर समिति गठन गरेको छ। राजु खड्काको सभापतित्वमा सर्वसम्मतले नयाँ कार्यसमिति चयन भएको हो। नगर भेलामार्फत गठित समितिको उपसभापतिमा प्रदिप बन्जाडे, सचिवमा सागर मरासिनी र कोषाध्यक्षमा खुमबहादुर महत चयन भएका छन्। त्यसैगरी, समितिको सहसचिव पद भने हाललाई रिक्त रहेको जनाइएको छ।
कार्यक्रममा पार्टीका लुम्बिनी प्रदेश सभापति देवराज पाठक लगायतका नेताहरूको उपस्थिति रहेको थियो। भेलालाई सम्बोधन गर्दै नेताहरूले नवगठित समितिलाई बधाई तथा शुभकामना व्यक्त गर्दै पार्टीको संगठन विस्तार र राजनीतिक गतिविधिहरूलाई सक्रिय रूपमा अगाडि बढाउन आग्रह गरे ।
नवगठित कार्यसमितिमा कमला खत्री, बसन्ता घर्ती, बिमला भट्टराई, शोभा क्षत्री, राज भुसाल, कृष्ण बहादुर बस्नेत, बिबश थापा, सरिता भुसाल र कृष्ण खत्री सदस्य रहेका छन्। साथै, कृष्णहरि भुसाल र बाबुराम थापा रहेको सल्लाहकार समिति र शोभाखर मरासिनीलाई र्याट संयोजकको जिम्मेवारी दिइएको छ। नवगठित समितिले सन्धिखर्कमा पार्टीका नीति तथा कार्यक्रमहरूलाई जनतामाझ लैजाने र संगठनलाई थप मजबुत बनाउने अपेक्षा गरिएको छ।
