काठमाडौं । प्राज्ञिक
विद्यार्थी परिषद् नेपालले शिक्षा क्षेत्रको समग्र सुधारका लागि भन्दै
राष्ट्रव्यापी शैक्षिक अभियान–२०८० घोषणा गरेको छ ।
परिषद्ले बिहीबार
राजधानीमा पत्रकार सम्मेलनमार्फत माघ महिनाभर देशभरका एकाइहरूमा विभिन्न रचनात्मक
गतिविधिहरू गदै शिक्षा क्षेत्रको सुधारका लागि नैतिक दबाव र आधार तयार गर्ने
उद्देश्यले शैक्षिक अभियान घोषणा गरेको हो ।
शिक्षाको वर्तमान
अवस्था, चुनौती
र समाधान विषयक प्रदेशस्तरीय शिक्षा कार्यशाला सातै प्रदेशमा गर्ने परिषद्ले
जनाएको छ । यसअन्तर्गत चालु महिनाभरि देशभरका एकाइहरूमा विभिन्न रचनात्मक
गतिविधिहरू गर्ने परिषद्ले विज्ञप्तिमा उल्लेख गरेको छ । उक्त गतिविधिले शिक्षा क्षेत्रको सुधारका लागि नैतिक दबाब र
आधार तयार हुने जनाइएको छ ।
शिक्षा प्रणाली, पाठ्यक्रम, मूल्यांकन, परीक्षा, परिसर, पात्रो जस्ता विषयमा
सुधार गर्दै अगाडि बढ्नुपर्ने वर्तमानको आवश्यकतालाई सम्बोधन गर्न अभियान सञ्चालन
गर्न लागेको पनि परिषद्ले जनाएको छ ।
