गुल्मी । गुल्मीमा पहिरोमा परि चार जनाको मृत्यु भएको छ । जिल्लाको मुसिकोट नगरपालिका-१ बिसौना मा दुई घर पहिरोमा पुरिदा चार जनाको ज्यान गएको जिल्ला प्रहरी कार्यालय गुल्मीले जनाएको छ । स्थानीय बिष्णु बिक र हुकुम बिकको घरमा माथिबाट आएको लेदो सहितको पहिरोले घर पुरिएको थियोे ।
पहिरोमा परि ६७ बर्षीय हुकुम बिक, उनका छोरा ४६ बर्षीय गोरे बिक, बर्ष ६६ की मसुरी बिक र बिष्णु बिकको ढाई बर्षकी छोरी रियन्सी बिकको मृत्यु भएको प्रहरीले जनाएको छ । पहिरोमा परि ३१बर्षीय बिष्णु बिक र उनकी श्रीमती २३ वर्षीय मुना बिक घाइते छन् । घटनाबारे बिस्तृत विवरण आउन बाँकी छ ।
