लुम्बिनी । लुम्बिनी सांस्कृतिक नगरपालिका वडा नं. १२ मा नवनिर्मित वडा भवनको उद्घाटन कार्यवाहक नगर प्रमुख कल्पना हरिजनले गरेकी छन् । यसअघि निजी जग्गामा सञ्चालित सेवा अब आफ्नै भवनबाट सहज रूपमा उपलब्ध हुने भएपछि वडावासीमा खुसी छाएको छ । स्वर्गीय नगर प्रमुख सजरुद्दीन मुसलमानले शिलान्यास गरेको यो भवन निर्माणपछि हरेक वडामा आफ्नै भवन बनाउने उनको सपना पूरा भएको छ ।
प्रमुख प्रशासकीय अधिकृत तारा ज्ञवालीले गुणस्तरीय र समयमै सेवा प्रवाहका लागि भवन महत्वपूर्ण रहेको बताइन् । वडा अध्यक्ष हरिकेश लोधले विगतका कठिनाइ स्मरण गर्दै अब वडावासीले सहज सेवा पाउने विश्वास व्यक्त गरे । उद्घाटन समारोहमा वडाका जनप्रतिनिधि, राजनीतिक दलका प्रतिनिधि, समाजसेवी, बुद्धिजीवी र स्थानीयवासीको उपस्थिति थियो ।
