बोधी रेडसनलाइ चारतारे होटलको मान्यता

भैरहवा । भैरहवामा सञ्चालित बोधी रेडसन होटल प्रालिले सोमबार देखि चार तारे होटलको मान्यता पाएको छ । संस्कृति,पर्यटन तथा नागरिक उड्डयन मन्त्रालयको पर्यटन विभागले इजाजत पत्र जारी गर्दै बोधी रेडसन होटललाई चार तारा होटलमा स्तर वर्गिकरण गरेको हो । चालू आर्थिक वर्षको दर्ता नम्बर ४ बाट होटललाइ चार तारेको मान्यता प्रदान गरिएको हो । 

सो होटलका सञ्चालक प्रमोद कुमार यादवले बोधी रेडसन चारा तारा होटलमा स्तरीकरण भएको जानकारी दिएका छन् । नेपाली कांग्रेसका नेता एवम प्रतिनिधिसभाका पूर्व सांसद यादवले सञ्चालन गरेको साे  होटल भैरहवाकै उत्कृष्ट होटलको रुपमा मानिएको छ । ओमसतिया गाउपालिका वडा नम्बर ४ मा रहेको होटलले राष्ट्रिय तथा अन्तर्राष्ट्रिय पर्यटकहरुलाई उत्कृष्ट सेवा दिँदै आएको छ । अहिले होटलमा ५ वटा स्वीट रुम, १६ वटा भिला र अन्य डिलक्स गरि ९६ वटा कोठा रहेका छन । होटलको आफ्नै स्विमिङ्ग पुल, क्यासिनो र वाटरपार्क समेत सन्चालनमा छ । 

लुम्बिनि क्षेत्र नजिकै रहेको यो होटलको स्तरोन्नतीले समग्र लुम्बिनीको पर्यटन प्रवद्र्धनमा टेवा पुग्ने पर्यटन व्यवसायीले बताएका छन् । पछिल्लो समय भैरहवा भारत, चीनसहितका नेपाल आउने विदेशी पर्यटका लागि आकर्षक गन्तव्य बनिरहेको छ ।