काठमाडौं । नेपाली राष्ट्रिय क्रिकेट टोलीका
सदस्य एवं पूर्वकप्तान सन्दीप लामिछाने विरुद्धको जबरजस्ती करणीको मुद्दामा आज पनि
बहस जारी रहने छ ।
बुधबार वादी नेपाल सरकार जाहेरवालीको
तर्फबाट १० जनाले बहस गरेका थिए । आज
सन्दीप पक्षका वकिलहरु बहस गर्नेछन् ।
बिहीबार ३ बजेसम्म बहस सक्ने प्रतिवादीतर्फका
एक कानुन व्यवसायीले बताए । त्यसपछि वादीका तर्फबाट जवाफी बहसमा लामो समय नलागेमा
आज नै फैसला हुने अपेक्षा गरिएको छ ।
