भैरहवा । सशस्त्र प्रहरीले रुपन्देहीको सिद्धार्थनगर नगरपालिका–१ डण्डा क्षेत्रबाट अवैध रूपमा भन्सार छलेर ल्याइएका रु तीन लाख तेइस हजार बराबरको लत्ताकपडा बरामद गरेको छ। भारतबाट नेपालतर्फ अवैध रूपमा ल्याउँदै गरेको अवस्थामा सशस्त्र प्रहरी बल, नेपाल सीमा सुरक्षा गुल्म हे.क्वा. डण्डा रुपन्देहीको टोलीले उक्त कपडा नियन्त्रणमा लिएको हो।
सशस्त्र प्रहरी नायब उपरीक्षक गोपिकृष्ण भट्टराईको कमाण्डमा खटिएको गाडी मोबाइल टोलीले सवारी साधन तथा पैदल यात्री चेकजाँच गर्ने क्रममा डण्डाबाट ती सामान बरामद गरेको हो। बरामद गरिएका सम्पूर्ण लत्ताकपडा आवश्यक कारबाहीका लागि स्थानीय भन्सार कार्यालयमा बुझाउने प्रक्रिया अघि बढाइएको सशस्त्र प्रहरीले जनाएको छ।
