भैरहवा । शसस्त्र प्रहरी बल नेपाल नं. २७ गण हेक्वा रुपन्देहीले भारत लैजादै गरिएको ठूलो परिमाणको गाँजा बरामद गरेको छ । भारतीय नम्बर प्लेटको ट्रकमा फल्स बटन बनाई लैजादै गरेको २७२ किलो गाँजा शसस्त्र प्रहरीले बरामद गरेको हो ।
गणका गणपति शसस्त्र प्रहरी उपरिक्षक आनन्द थापाले शसस्त्र प्रहरीको केन्द्रिय अनुसन्धान ब्यूरोले दिएको सूचनाको आधारमा मंगलबार विहान सवा ३ बजे रोहिणी गाउँपालिका वडा नम्बर १ बाट गाँजा बरामद गरिएको बताए । “सूचना आएपछि मेरै कमाण्डमा बाईपास नजिकै चेक गरिरहेका थियौ,” थापाले भने “समान आउदैछ भन्ने जानकारी थियो तर के र कति परिमाणमा छ भन्ने थिएन ।”
जाँचकै क्रममा भारतीय नम्बर प्लेट युपी ७८ बिटी ८२९७ नम्बरको ट्रकमा चालक बस्ने सिटभन्दा माथि फल्स बटममा लुकाईएको गाँजा बरामद भएको उनले बताए । गाँजा संगै ट्रक चालक भारत लुधियानाका ३६ वर्षिय सतनाम सिंहलाई नियन्त्रणमा लिईएको थापाले जानकारी दिए ।
२८ वटा पोकामा बिभिन्न तौलमा गाँजालाई व्यस्थित तरिकाले प्याकिङ्ग गरिएको छ । काँचो गाँजालाई प्रशोधन गरि त्यसलाई राम्ररी कम्प्रेस गरिएको अवश्थामा छ ।
“प्रारम्भिक अनुसन्धानमा चितवन आसपासबाट गाँजा लोड गरि भारत पु¥याउन खोजिएको देखिन्छ ।” उनले भने “यसबारे थप अनुसन्धान गर्न ट्रक र चालकलाई नेपाल प्रहरीलाई हस्तान्तरण गरेका छौं ।”
