अर्घाखाँची । अर्घाखाँचीको सन्धिखर्क नगरपालिका–१२ बाँसखर्कमा छोराले कुटपिट गरी आफ्ना बुबाको हत्या गरेका छन्। ७२ वर्षीय जंगबहादुर नेपालीलाई उनका झड्केला छोरा झुपे नेपालीले हत्या गरेको जिल्ला प्रहरी कार्यालय अर्घाखाँचीले जनाएको छ।
प्रहरी नायव उपरीक्षक चक्रबहादुर मल्लका अनुसार मदिरा सेवन गरी भएको विवादमा झुपेले बुबा जंगबहादुरलाई कुटपिट गरेका थिए, जसका कारण उनको मृत्यु भएको हो। घटनामा संलग्न झुपे नेपालीलाई प्रहरीले नियन्त्रणमा लिई थप अनुसन्धान अगाडि बढाएको मल्लले जानकारी दिनुभयो।
