भैरहवा । प्रहरीले रुपन्देहीको ओमसतिया गाउँपालिका–४ बसन्तपुरस्थित रोहिणी खोलाबाट दुईवटा ट्रयाक्टर नियन्त्रणमा लिएको छ । अवैध रुपमा नदीजन्य पदार्थ (बालुवा) उत्खनन् गरी लैजाँदै गरेको अवस्थामा लु ४ त ७२२३ र लु ५ त १६६ नम्बरको ट्रयाक्टर नियन्त्रणमा लिइएको जिल्ला प्रहरी कार्यालय रुपन्देहीका सूचना अधिकारी तथा प्रहरी नायव उपरीक्षक (डीएसपी) मनोहर प्रसाद भट्टले बताए ।
डीएसपी भट्टका अनुसार ईलाका प्रहरी कार्यालय बेलहियाबाट खटिएको टोलीले बालुवा उत्खनन् गरी लैजाँदै गरेको अवस्थामा ट्रयाक्टर फेला पारी नियन्त्रणमा लिएको थियो । आवश्यक कारवाहीका लागि ओमसतिया गाउँपालिकाको कार्यालयमा पठाइएकोमा रु. ३० हजार जरिवाना भएको प्रहरीले जनाएको छ ।
