मुख्य समाचार
प्रहरी निरीक्षक दिपक कुँवर 'महिनाको उत्कृष्ट प्रहरी' घोषित | बुटवलमा एक हजार १५७ परिवारलाई लालपुर्जा वितरण गरिँदै | प्रहरीको तल्लो तहका कर्मचारीको गुनासो सुन्न केन्द्रीय डेस्कको शुभारम्भ | गोरुसिङ्गे–चन्द्रौटा सडक खण्ड विस्तारको ठेक्का सम्झौता सम्पन्न | कात्तिकमा पाल्पा प्रहरीको विवरण: १५ मुद्दा दर्ता, सवारी दुर्घटनामा एकको मृत्यु | हुम्लाको विकास सपना साकार हुँदै : ३९ किलोमिटर सडक कालोपत्रे गर्न ठेक्का सम्झौता | प्रधानमन्त्री शाह र नवनियुक्त भारतीय राजदूत दलेलाबीच शिष्टाचार भेट | प्रहरी युक्ति तालिम महाविद्यालयमा कारागार सुरक्षासम्बन्धी प्रशिक्षण सम्पन्न | पाँच अर्ब ८८ करोड हिनामिना प्रकरण : बराह सहकारीका मुख्य योजनाकार सीआईबीको फन्दामा | रुपन्देहीमा २१ लाख बढीको अवैध सामान र बोलेरो गाडी बरामद |
मुख्य समाचार
प्रहरी निरीक्षक दिपक कुँवर 'महिनाको उत्कृष्ट प्रहरी' घोषित | बुटवलमा एक हजार १५७ परिवारलाई लालपुर्जा वितरण गरिँदै | प्रहरीको तल्लो तहका कर्मचारीको गुनासो सुन्न केन्द्रीय डेस्कको शुभारम्भ | गोरुसिङ्गे–चन्द्रौटा सडक खण्ड विस्तारको ठेक्का सम्झौता सम्पन्न | कात्तिकमा पाल्पा प्रहरीको विवरण: १५ मुद्दा दर्ता, सवारी दुर्घटनामा एकको मृत्यु | हुम्लाको विकास सपना साकार हुँदै : ३९ किलोमिटर सडक कालोपत्रे गर्न ठेक्का सम्झौता | प्रधानमन्त्री शाह र नवनियुक्त भारतीय राजदूत दलेलाबीच शिष्टाचार भेट | प्रहरी युक्ति तालिम महाविद्यालयमा कारागार सुरक्षासम्बन्धी प्रशिक्षण सम्पन्न | पाँच अर्ब ८८ करोड हिनामिना प्रकरण : बराह सहकारीका मुख्य योजनाकार सीआईबीको फन्दामा | रुपन्देहीमा २१ लाख बढीको अवैध सामान र बोलेरो गाडी बरामद |


रोटरी क्लब अफ सेन्ट्रल लुम्बिनीद्वारा मर्चवारमा बृहत् मोतियाबिन्दु शिविर

Ujyalosandeshonline 12696+ समाचार ( )
१८ मंगशिर २०८२, बिहीबार

भैरहवा । रोटरी क्लब अफ सेन्ट्रल लुम्बिनीले आफ्नो दशौँ स्थापना दिवसको अवसरमा रूपन्देहीको मर्चवार क्षेत्रमा बृहत् निःशुल्क आँखा जाँच, मोतियाबिन्दु तथा शल्यक्रिया शिविर आयोजना गर्ने भएको छ।

क्लबका अध्यक्ष विष्णु शर्माका अनुसार, सन् २०१६ मा स्थापना भएको यस क्लबले समुदायमा दृष्टिसम्बन्धी समस्या समाधान गर्ने उद्देश्यका साथ मंसिर २० गते कोटहीमाई गाउँपालिका वडा नं. ५, मझगावामा शिविर सञ्चालन गर्न लागेको हो।

आयोजकले यस शिविरमार्फत न्यूनतम २५० जना मोतियाबिन्दुका बिरामीको निःशुल्क शल्यक्रिया गर्ने लक्ष्य राखेको छ। मर्चवार क्षेत्रमा लक्ष्य अनुरूप बिरामी फेला नपरे अन्य स्थानमा समेत शिविर विस्तार गरिने क्लबले जनाएको छ।

शिविर सञ्चालनका लागि कोटहीमाई गाउँपालिका, सम्मरीमाई गाउँपालिका र मर्चवारी माई गाउँपालिकाको सहयोग लिइनेछ भने एभरेस्ट बैंक सह प्रायोजकको रुपमा रहेको छ । शिविरमा लुम्बिनी नेत्रालयले प्राविधिक सहयोग उपलब्ध गराउनेछ।

शिविरबारे जानकारी दिँदै लुम्बिनी नेत्रालयका डा. हिरा शाहले लुम्बिनी प्रदेशमा ३० हजारभन्दा बढी मानिस मोतियाबिन्दुबाट प्रभावित रहेको र लुम्बिनी आसपासका क्षेत्रमा बिरामीको सङ्ख्या अझ बढी रहेको बताए । मोतियाबिन्दु बाहेक जलविन्दु, मधुमेह र उच्च रक्तचापका कारण आँखाका बिरामीहरूको समेत उपचार गर्ने योजना रहेको उनले जानकारी दिए।

डा. शाहका अनुसार, शिविरमा नयाँ प्रविधिअनुसार 'टपिकल फेको' विधिबाट शल्यक्रिया गरिनेछ। यो विधिमा १० देखि १२ मिनेटभित्र शल्यक्रिया सम्पन्न भई बिरामी आधा घण्टाभित्र घर फर्कन सक्नेछन्। बाहिर गर्दा करिब रु. १२ हजारभन्दा बढी रकम लाग्ने यो शल्यक्रिया शिविरमा पूर्णतः निःशुल्क गरिनेछ। ।

निशुल्क रुपमा हुने उक्त शिविरमा बढी भन्दा बढी सहभागी गराउन रोटरी क्लब अफ सेन्ट्रल लुम्बिनीले आग्रह गरेको छ। 


प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार