कञ्चन । देश भरिका पालिकामा यतिबेला कामको चटारो छ । अंधिकाश पालिकामा काम भ्याईनभ्याई हुँदा रुपन्देहीको कञ्चन गाउँपालिकामा भने यतिबेला सुनसान छ ।
आर्थिक वर्ष सुरु भए संगै योजनाका काम साउन महिनाबाट सुरु भई वैशाखको अन्तिम तिर काम सकिदा अन्य पालिका भन्दा कञ्चन गाउँपालिकामा कामको चाप हवात्तै घटेर शुन्य जस्तो भएको छ ।
सेवाका लागी जेष्ठ असारमा सेवाग्राहीको बाक्लो उपस्थिति हुने भएता पनि यस वर्ष कञ्चनमा प्रदेश र संघका योजनाका केही भुक्तानी बाहेक शतप्रतिशत काम सकिएको गाउँपालिकाले जनाएको छ ।
गाउँपालिकाले यस चालु आर्थिक वर्षमा विनियोजन गरेको रकमको ९० प्रतिशत भन्दा बढि पुँजीगत तर्फ खर्च हुने दाबी गरेको छ ।गाउँपालिकाका प्रमुख प्रशासकीय अधिकृत सागर गौतमका अनुसार योजनाका काम सकिएको र आगामी वर्षका लागी छलफल,रणनिति तय र कार्ययोजनालाई कार्यान्वयन गर्ने तर्फ आफुहरु केन्दित भएको बताएका छन् ।
