काठमाडौं । अख्तियार दुरुपयोग अनुसन्धान आयोगको टोलीले नापी कार्यालय, कलंकीका एक कर्मचारीलाई घुस लिएको आरोपमा पक्राउ गरेको छ । पक्राउ पर्नेमा कार्यालय सहयोगी एकेन्द्र कुँवर रहेका छन् ।
चन्द्रागिरी नगरपालिका वडा नं. १३ मा रहेको जग्गाको हालसाविक गरी नयाँ जग्गाधनी पूर्जा बनाइदिने प्रयोजनका लागि सेवाग्राहीसँग १३ हजार रुपैयाँ घुस मागेको उजुरीका आधारमा आयोगको टोलीले कुँवरलाई रंगेहात पक्राउ गरेको हो । अख्तियारले कुँवरको साथबाट घुसवापत लिइएको १३ हजार रुपैयाँ र उनको मोबाइल फोन बरामद गरेको छ
उक्त घटनाको अनुसन्धानका क्रममा अख्तियारको टोलीले नापी कार्यालय, कलंकीका प्रमुखको दुई थान र एक जना सर्भेक्षकको एक थान मोबाइल डिभाइस पनि नियन्त्रणमा लिएको छ । पक्राउ परेका कुँवरमाथि थप अनुसन्धान भइरहेको आयोगका प्रवक्ता राजेन्द्र कुमार पौडेलले जानकारी दिएका छन् ।
