अर्घाखाँची । Gen-Z अर्घाखाँची समूहले आज बागी खोलामा सरसफाइ कार्यक्रम सम्पन्न गरेको छ। समाजमा स्वच्छता, एकता र सकारात्मक सन्देश फैलाउने उद्देश्यका साथ आयोजित यस कार्यक्रमको नेतृत्व भागवत भुसालले गर्नुभएको थियो।
कार्यक्रममा सहभागी युवाहरूले खोलामा फालिएका फोहरहरू संकलन गरी वातावरण सफा र सुन्दर बनाउने प्रतिबद्धता जनाएका छन्। Gen-Z अर्घाखाँची समूहले आगामी दिनमा पनि यस्ता सामाजिक तथा वातावरणीय सचेतनाका कार्यक्रमहरू निरन्तर सञ्चालन गर्ने बताएको छ। यसअघि समूहले सडकका खाल्डाहरू मर्मत गर्ने कार्य पनि गरेको थियो।
