अर्घाखाँची । अर्घाखाँची जिल्लाको सन्धिखर्क नगरपालिका वडा नम्बर १÷ २ का टोल सुधार समितिका पदाधिकारी तथा सदस्यलाई बालश्रम बहुविवाह, बालविवाह, दाईजो, बौक्सी. छाउपडी प्रथासँग सम्बन्धित घरेलु हिंसा अन्त्यका लागि बहस पैरवी तथा चेतनामूलक अभियान कार्यक्रम सम्पन्न भएको छ ।
कार्यक्रममा सन्धिखर्क नगरपालिकाका प्रमुख प्रशासकीय अधिकृत खिमानन्द भुसालले मन्तब्य राख्दै समाजमा रहेका बिभेद जन्य प्रथाको अन्त्यका लागि सबै लाग्नुपर्ने बताएका थिए । कार्यक्रममा वडा नम्बर १ का अध्यक्ष माधव श्रेष्ठ पत्रकार महासघका अध्यक्ष गणेश खनाल लगायतले शुभकामना मन्तब्य राख्नुभएको थियोे ।
कार्यक्रम वडा नम्बर १÷ २ का अध्यक्ष पशुपति ढकालको अध्यक्षता उपाध्यक्ष हरि प्रसाद दमासेको स्वागत मन्तब्य सचिव रिता पौडेलको सञ्चालनमा सम्पन्न कार्यक्रममा उल्लेखनीय सहभागी रहेको थियोे ।
