मुख्य समाचार
प्रहरी निरीक्षक दिपक कुँवर 'महिनाको उत्कृष्ट प्रहरी' घोषित | बुटवलमा एक हजार १५७ परिवारलाई लालपुर्जा वितरण गरिँदै | प्रहरीको तल्लो तहका कर्मचारीको गुनासो सुन्न केन्द्रीय डेस्कको शुभारम्भ | गोरुसिङ्गे–चन्द्रौटा सडक खण्ड विस्तारको ठेक्का सम्झौता सम्पन्न | कात्तिकमा पाल्पा प्रहरीको विवरण: १५ मुद्दा दर्ता, सवारी दुर्घटनामा एकको मृत्यु | हुम्लाको विकास सपना साकार हुँदै : ३९ किलोमिटर सडक कालोपत्रे गर्न ठेक्का सम्झौता | प्रधानमन्त्री शाह र नवनियुक्त भारतीय राजदूत दलेलाबीच शिष्टाचार भेट | प्रहरी युक्ति तालिम महाविद्यालयमा कारागार सुरक्षासम्बन्धी प्रशिक्षण सम्पन्न | पाँच अर्ब ८८ करोड हिनामिना प्रकरण : बराह सहकारीका मुख्य योजनाकार सीआईबीको फन्दामा | रुपन्देहीमा २१ लाख बढीको अवैध सामान र बोलेरो गाडी बरामद |
मुख्य समाचार
प्रहरी निरीक्षक दिपक कुँवर 'महिनाको उत्कृष्ट प्रहरी' घोषित | बुटवलमा एक हजार १५७ परिवारलाई लालपुर्जा वितरण गरिँदै | प्रहरीको तल्लो तहका कर्मचारीको गुनासो सुन्न केन्द्रीय डेस्कको शुभारम्भ | गोरुसिङ्गे–चन्द्रौटा सडक खण्ड विस्तारको ठेक्का सम्झौता सम्पन्न | कात्तिकमा पाल्पा प्रहरीको विवरण: १५ मुद्दा दर्ता, सवारी दुर्घटनामा एकको मृत्यु | हुम्लाको विकास सपना साकार हुँदै : ३९ किलोमिटर सडक कालोपत्रे गर्न ठेक्का सम्झौता | प्रधानमन्त्री शाह र नवनियुक्त भारतीय राजदूत दलेलाबीच शिष्टाचार भेट | प्रहरी युक्ति तालिम महाविद्यालयमा कारागार सुरक्षासम्बन्धी प्रशिक्षण सम्पन्न | पाँच अर्ब ८८ करोड हिनामिना प्रकरण : बराह सहकारीका मुख्य योजनाकार सीआईबीको फन्दामा | रुपन्देहीमा २१ लाख बढीको अवैध सामान र बोलेरो गाडी बरामद |


खोलाको पानी तानेर सुक्खा पाखामा सिँचाइ गर्ने योजना

Ujyalosandeshonline 12696+ समाचार ( )
१६ श्रावण २०८१, बुधवार

रामेछाप । रामेछाप जिल्लाकै सुख्खा ग्रस्त गाउँपालिकाको रूपमा रहेको खाँडादेवीको वडा नं ४ पकरबासले खोला र नदीको पानी तानेर गाउँ गाउँमा पुर्याउने महत्त्वाकाङ्क्षी योजना अघि सारेको छ । 

खाँडादेवी गाउँपालिका–४ पकरबासको ८० प्रतिशत भूमिमा आफ्नै कार्यकालमा कम्तीमा तरकारी र फलफूल खेतीको लागि सिँचाइ सुविधा पुर्याउने अठोट वडाअध्यक्ष कृष्णप्रसाद पौडेलको छ । 

जिल्लाकै सबैभन्दा ठुलो माडी फाँटमा बाह्रै महिना सिँचाइ हुने गरी लिफ्ट र डिप बोरिङका सिँचाइ आयोजना सञ्चालन भएका छन् भने अन्य क्षेत्रको लागि पनि विभिन्न लिफ्ट सिँचाइको आयोजना सुरु गरिएको वडाध्यक्ष पौडेलले जानकारी दिए । 

सो वडाको कल्चौँडेमा सिँचाइको लागि भटौली खोलाबाट सिँचाइ आयोजना सुरु भइसकेको उनले जानकारी दिए । त्यस्तै पुछिघाटमा पनि डिप सिँचाइको आयोजना सञ्चालन गरिएको छ । 

सो वडाको सबैभन्दा महत्त्वाकाङ्क्षी योजनाको रूपमा कल्चौँडे खोक लिफ्ट सिँचाइ आयोजना सञ्चालन गरिएको छ । भटौली खोलाको पानीलाई तानेर गाउँका सिरानमा पुर्याई सिँचाइ गर्ने लक्ष्यका साथ सो योजना सुरु भएको छ । 

हालसम्म भटौली खोलाको पानी १ हजार ५ सय ७२ मिटर माथि तानेर तित्रिबोटको २ लाख लिटरको रिजर्भ ट्याङ्कीमा खसाल्ने काम भएको छ । सुरुमा त्यहीँबाट कल्चौँडे क्षेत्रमा सिँचाइ गर्ने उद्देश्यले योजना निर्माण गरिएको भए पनि कल्चौँडेको लागि अर्को योजना सञ्चालन भएपछि अब सो योजनालाई अर्को लिफ्ट तानेर भीमशेनस्थान र त्यहाँबाट अर्को एक लिफ्ट तानेर राम्चे पुर्याई गाउँभरि सिँचाइको व्यवस्था मिलाउने योजना वडाध्यक्ष पौडेलको छ । 

तित्रीबोटमा पानी झार्न संघीय सरकारको १ करोड ३ लाख रुपैयाँ खर्च भएको छ । सो आयोजनाको ४१ लाख रुपैयाँ खर्च गर्न बाँकी छ । त्यस्तै प्रदेश सरकारले वडा नं ४ र ५ को लागि भनेर यस वर्ष ८० लाख रुपैयाँ विनियोजन गरेको छ । त्यसबाट भीमसेनस्थान हुँदै राम्चेसम्म पानी तान्न सकिने पौडेल बताउँछन् । राम्चेमा पानी पुर्याएर वडा नं ४ र ५ का सुक्खा क्षेत्रमा वितरण गर्ने योजना उनले सुनाए । 

यदि यो योजनाले पूर्णता पायो भने सुक्खा पाखामा पनि सिँचाई सुविधा पुग्ने छ र स्थानीयले फलफूल तथा तरकारीमा सुक्खा याममा पनि सिँचाई गर्न पाउने छन् ।


प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार