भैरहवा । रुपन्देहीको सिद्धार्थनगर नगरपालिकाका नगर कार्यपालिका सदस्य सुभावती चमारको असामयिक निधन भएको छ।उहाँको भदौ ३ गते आफ्नै निवासमा निधन भएको हो । नगर प्रमुख इश्तियाक अहमद खाँद्वारा जारी सूचना अनुसार नगरपालिकाको विकास, सुशासन र जनसेवामा उहाँले पुर्याउनुभएको योगदान स्मरण गर्दै दिवङ्गत आत्माको वैकुण्ठवासको कामना र शोकसन्तप्त परिवारजनप्रति गहिरो समवेदना व्यक्त गरिएको छ। कार्यपालिका सदस्य चमारको निधनको शोकमा सिद्धार्थनगर नगरपालिकाले भदौ ४ गते बिहीबारका दिन नगरपालिका र अन्तर्गतका मातहत कार्यालयहरूमा शोक बिदा दिने निर्णय गरेको छ।
कार्यपालिका सदस्य सुभावती चमारको निधनमा सिद्धार्थनगरमा आज शोक बिदा
४ भाद्र २०८३, बिहीबार
