मर्चवार । सशस्त्र प्रहरीले रुपन्देहीमा पाँचलाख बढीको अवैध लत्ताकपडा बरामद गरेको छ । बिहीबार बिहान मायादेवी गाउँपालिका–६ स्थित गोनहा क्षेत्रबाट सशस्त्र प्रहरीले अवैध लत्ताकपडा बरामद गरेको हो ।
सशस्त्र प्रहरी बल, नेपाल बिओपी मझगावाबाट सशस्त्र प्रहरी निरीक्षक गिता ज्ञवालीको कमाण्डमा खटिएको टोलीले भारतबाट नेपालतर्फ ल्याउँदै गरेको रु. ५ लाख ७ हजार १ सय (अन्दाजी मूल्य) बरामद गरेको सशस्त्र प्रहरीले जनाएको छ । बरामद गरिएको सामान आवश्यक कारबाहीका लागि भैरहवा भन्सार कार्यालय बेलहिया, रुपन्देही पठाइएको रुपन्देहीका प्रमुख सशस्त्र एसपी दीपककुमार थापाले बताए ।
