भक्तपुर । प्रहरीले हत्यामा संलग्न भएको आरोपमा तीन जनालाई पक्राउ गरेको छ । भक्तपुर नगरपालिका–१ नगरकोटमोड बस्ने महोत्तरी मिथिला नगरपालिका–९ घर भएका २८ वर्षीय आकाश रसाइलीको हत्यामा संलग्न रहेको अभियोगमा प्रहरीले आज तीन जनालाई पक्राउ गरेको छ ।
पक्राउ पर्नेमा भक्तपुर सल्लाघारी बस्ने उदयपुर घर भएका ३१ वर्षीय आयुष कार्की, झापा घर भएका २७ वर्षीय दोर्जे शेर्पा र गुल्मी घर भएका ३५ वर्षीय रमेश कुवँर रहेका प्रहरी परिसर भक्तपुरका प्रहरी नायब उपरीक्षक प्रकाश जवेगुले जानकारी दिनुभयो ।
नगरकोट रोडमा सोमबार राति करिब १०ः०० बजे विवाद भएपछि रसाइलीलाई चक्कु प्रहार गरी फरार भएको र घटनापछि पुगेको प्रहरीले उपचारका लागि काठमाडौँ मेडिकल कलेज दुवाकोटमा लगेकामा आज बिहान उपचारकै क्रममा मृत्यु भएको थियो । प्रहरीले पक्राउ परेका तीन जनालाई हिरासतमा राखेर घटनाबारे थप अनुसान्धन गरिरहेको उहाँले जानकारी दिनुभयो ।
