नवलपुर । नवलपुरको कावासोती नगरपालिकाले नागरिकको सुविधाका लागि दुई वटा एम्बुलेन्स खरिद गरी स्थानीय स्वास्थ्य चौकीलाई हस्तान्तरण गरेको छ ।
कावासोती नगरपालिकाको पिठौली स्वास्थ्य चौकी र कुमारवर्ती स्वास्थ्य चौकीलाई एक÷एकवटा एम्बुलेन्स नगरप्रमुख विष्णु प्रसाद भुसालले स्वास्थ्य चौकी प्रमुखलाई एम्बुलेन्सको साचो , कागजपत्र हस्तान्तरण गरे ।
नगरपालिका भित्रका कुनैपनि नागरिक एम्बुलेन्सको अभावमा उपचारबाट वञ्चित हुन नपरोस् र सबै नगरवासीलाई आधारभूत स्वास्थ्य सेवा उपलब्ध गराउन सकियोस् भनेर एम्बुलेन्स बिस्तार गरिएको उनको भनाइ थियो ।
कार्यक्रममा कावासोती नगरपालिकाका नगर उप प्रमुख फूल कुमारी थनेत प्रमुख प्रशासकीय अधिकृत लिलाराज पौडेल, विभिन्न वडाका वडा अध्यक्ष लगायतको उपस्थिती रहेको थियो ।
