मुख्य समाचार
प्रहरी निरीक्षक दिपक कुँवर 'महिनाको उत्कृष्ट प्रहरी' घोषित | बुटवलमा एक हजार १५७ परिवारलाई लालपुर्जा वितरण गरिँदै | प्रहरीको तल्लो तहका कर्मचारीको गुनासो सुन्न केन्द्रीय डेस्कको शुभारम्भ | गोरुसिङ्गे–चन्द्रौटा सडक खण्ड विस्तारको ठेक्का सम्झौता सम्पन्न | कात्तिकमा पाल्पा प्रहरीको विवरण: १५ मुद्दा दर्ता, सवारी दुर्घटनामा एकको मृत्यु | हुम्लाको विकास सपना साकार हुँदै : ३९ किलोमिटर सडक कालोपत्रे गर्न ठेक्का सम्झौता | प्रधानमन्त्री शाह र नवनियुक्त भारतीय राजदूत दलेलाबीच शिष्टाचार भेट | प्रहरी युक्ति तालिम महाविद्यालयमा कारागार सुरक्षासम्बन्धी प्रशिक्षण सम्पन्न | पाँच अर्ब ८८ करोड हिनामिना प्रकरण : बराह सहकारीका मुख्य योजनाकार सीआईबीको फन्दामा | रुपन्देहीमा २१ लाख बढीको अवैध सामान र बोलेरो गाडी बरामद |
मुख्य समाचार
प्रहरी निरीक्षक दिपक कुँवर 'महिनाको उत्कृष्ट प्रहरी' घोषित | बुटवलमा एक हजार १५७ परिवारलाई लालपुर्जा वितरण गरिँदै | प्रहरीको तल्लो तहका कर्मचारीको गुनासो सुन्न केन्द्रीय डेस्कको शुभारम्भ | गोरुसिङ्गे–चन्द्रौटा सडक खण्ड विस्तारको ठेक्का सम्झौता सम्पन्न | कात्तिकमा पाल्पा प्रहरीको विवरण: १५ मुद्दा दर्ता, सवारी दुर्घटनामा एकको मृत्यु | हुम्लाको विकास सपना साकार हुँदै : ३९ किलोमिटर सडक कालोपत्रे गर्न ठेक्का सम्झौता | प्रधानमन्त्री शाह र नवनियुक्त भारतीय राजदूत दलेलाबीच शिष्टाचार भेट | प्रहरी युक्ति तालिम महाविद्यालयमा कारागार सुरक्षासम्बन्धी प्रशिक्षण सम्पन्न | पाँच अर्ब ८८ करोड हिनामिना प्रकरण : बराह सहकारीका मुख्य योजनाकार सीआईबीको फन्दामा | रुपन्देहीमा २१ लाख बढीको अवैध सामान र बोलेरो गाडी बरामद |


एमालेसँग मिलेर अघि बढ्न माधव नेपाल तयार !

Ujyalosandeshonline 12696+ समाचार ( )
१७ वैशाख २०८१, सोमबार

काठमाडौं । नेकपा एकीकृत समाजवादी (नेकपा एस) का अध्यक्ष माधव कुमार नेपालले आफ्नो ध्यान कम्युनिष्ट पार्टी र कम्युनिष्ट आन्दोलनलाई नयाँ उचाइमा पुर्याउनेतर्फ रहेको भन्दै पुराना कुरालाई भुलेर एमालेसँग नयाँ रुपमा हातेमालो गर्न आब्हान गरेका छन् ।

केपी शर्मा ओलीतर्फ संकेत गर्दै नेपालले कम्युनिष्टले ठूलो सरकार र पार्टी समेत राम्ररी चलाउन नसकेको बताए । उनले त्यसको समीक्षा गर्न अहिलेसम्म जाँगर आफूहरुमा नभएको उल्लेख गर्दै भने,‘गल्ती महशुस गर्न पर्छ कि, आत्मआलोचना गर्न पर्छ कि भनेर हामीलाई त्राहीमाम भएको छ । गल्ती हुनसक्छ । कुन ठूलो कुरो भो ? स्वीकार गर्ने र नदोहोर्याउने हो नि । अहिलेपनि विघटन(संसद) गरेको ठिक गरियो भनिदिने, संविधान मिचेर ठिक काम गरियो भनिदिने ?’

सोमबार पार्टी निकट अखिल नेपाल महिला संघले काठमाडौंमा आयोजना गरेको कार्यक्रममा अध्यक्ष नेपालले एमालेसँगको पुरानो कुरालाई भूलेर आफू नयाँ ढंगले हातेमालो गरेर अगाडि बढ्न तयार भएको बताए ।

‘अहिले पूरानो कुरा नगरौं भनेपनि ठिकै छ । कति पुराना कुरा मात्रै गर्ने ? नयाँ कुरा गरौं । नयाँ ढंगले जाऔं । हातेमालो गरौं । देश र जनतालाई केन्द्रविन्दुमा राखौं । यो सबै कुराहरुको सन्दर्भमा नै हामीले सोच्नुपर्ने आवश्यकता छ,’ नेपालले भने ।

उनले आफ्नो ध्यान कसरी कम्युनिष्ट पार्टी र आन्दोलनलाई नयाँ उचाइमा पुर्याउने भन्नेमा रहेको भन्दै कम्युनिष्ट पार्टी र आन्दोलनले नै देश र जनताको भलो गर्न सक्ने विश्वास आम जनतामा कसरी पुर्याउने भन्ने कुरामा कम्युनिष्टहरुको ध्यान केन्द्र्रीत हुनुपर्नेमा नेता नेपालले जोड दिए ।

फरक प्रसंगमा अध्यक्ष नेपालले देशको सबै क्षेत्रमा विकास निर्माणको कार्यलाई अनुगमन, मूल्यांकन र अनुसन्धान गर्ने प्रणालीलाई विशेष ध्यान दिनुपर्नेमा जोड दिए । उनले देश चलाउने बुद्धि विकास गर्नसके मात्र जनताले लाभ पाउने भन्दै सरकारप्रति कटाक्ष गरे । अध्यक्ष नेपालले देशमा ठिक समयम ठिक काम नभएको भन्दै टिप्पणी गरे ।

उनले विकास निर्माण कार्य गर्दा दबाबमा पर्ने प्रणालीको अन्त्य हुनुपर्नेमा जोड दिदै आफ्नो पार्टी देश विकासको सवालमा चिन्तित रहेको दाबी गरे ।

उनले पोखरा, गौतमबुद्ध अन्तर्राष्ट्रिय विमानस्थल पूणर् रुपमा सञ्चालन हुन नसकेको प्रति टिप्पणी गरे । विकास निर्माण कार्य आवश्यकता र प्रतिफल हेरेर भन्दा पनि दबाब र प्रभावमा पर्दा फाइदा उठाउन नसकिएको धारणा राखे ।

उनले आफ्नो पार्टी सरकारमा पद ओगट्नका लागि नगएको भन्दै आफ्ना मन्त्रीले सरकारमा हुँदा राम्रो काम गरेको जिकिर गरे । यस्तै उनले कार्यकर्ताहरुलाई पार्टी सत्ताको लागि नभएर जनता र देशको विकासको लागि भएको प्रस्ट्याउँदै सोही अनुसार काम गर्न आग्रह गरे ।

प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार