मुख्य समाचार
प्रहरी निरीक्षक दिपक कुँवर 'महिनाको उत्कृष्ट प्रहरी' घोषित | बुटवलमा एक हजार १५७ परिवारलाई लालपुर्जा वितरण गरिँदै | प्रहरीको तल्लो तहका कर्मचारीको गुनासो सुन्न केन्द्रीय डेस्कको शुभारम्भ | गोरुसिङ्गे–चन्द्रौटा सडक खण्ड विस्तारको ठेक्का सम्झौता सम्पन्न | कात्तिकमा पाल्पा प्रहरीको विवरण: १५ मुद्दा दर्ता, सवारी दुर्घटनामा एकको मृत्यु | हुम्लाको विकास सपना साकार हुँदै : ३९ किलोमिटर सडक कालोपत्रे गर्न ठेक्का सम्झौता | प्रधानमन्त्री शाह र नवनियुक्त भारतीय राजदूत दलेलाबीच शिष्टाचार भेट | प्रहरी युक्ति तालिम महाविद्यालयमा कारागार सुरक्षासम्बन्धी प्रशिक्षण सम्पन्न | पाँच अर्ब ८८ करोड हिनामिना प्रकरण : बराह सहकारीका मुख्य योजनाकार सीआईबीको फन्दामा | रुपन्देहीमा २१ लाख बढीको अवैध सामान र बोलेरो गाडी बरामद |
मुख्य समाचार
प्रहरी निरीक्षक दिपक कुँवर 'महिनाको उत्कृष्ट प्रहरी' घोषित | बुटवलमा एक हजार १५७ परिवारलाई लालपुर्जा वितरण गरिँदै | प्रहरीको तल्लो तहका कर्मचारीको गुनासो सुन्न केन्द्रीय डेस्कको शुभारम्भ | गोरुसिङ्गे–चन्द्रौटा सडक खण्ड विस्तारको ठेक्का सम्झौता सम्पन्न | कात्तिकमा पाल्पा प्रहरीको विवरण: १५ मुद्दा दर्ता, सवारी दुर्घटनामा एकको मृत्यु | हुम्लाको विकास सपना साकार हुँदै : ३९ किलोमिटर सडक कालोपत्रे गर्न ठेक्का सम्झौता | प्रधानमन्त्री शाह र नवनियुक्त भारतीय राजदूत दलेलाबीच शिष्टाचार भेट | प्रहरी युक्ति तालिम महाविद्यालयमा कारागार सुरक्षासम्बन्धी प्रशिक्षण सम्पन्न | पाँच अर्ब ८८ करोड हिनामिना प्रकरण : बराह सहकारीका मुख्य योजनाकार सीआईबीको फन्दामा | रुपन्देहीमा २१ लाख बढीको अवैध सामान र बोलेरो गाडी बरामद |


सुस्त अर्थतन्त्रलाई चलायमान बनाउन महोत्सव सहयोगी हुने नगर प्रमुखको विश्वास

Ujyalosandeshonline 12696+ समाचार ( )
२७ पौष २०८२, आइतबार

अर्घाखाँची । अर्घाखाँची चेम्बर अफ कमर्सको आयोजनामा सदरमुकाम सन्धिखर्कस्थित कुँडुले फाँटमा आजदेखि ‘सातौँ अर्घाखाँची महोत्सव एवं कृषि, पर्यटन, संस्कृति, औद्योगिक तथा व्यापार मेला’ भव्य रूपमा सुरु भएको छ। आगामी माघ ११ गतेसम्म सञ्चालन हुने यस महोत्सवले जिल्लाको आर्थिक, सांस्कृतिक र पर्यटन क्षेत्रमा नयाँ आयाम थप्ने अपेक्षा गरिएको छ।

महोत्सवको उद्घाटन कार्यक्रमलाई सम्बोधन गर्दै सन्धिखर्क नगरपालिकाका नगर प्रमुख कृष्णप्रसाद श्रेष्ठले यस मेलाले जिल्लाको सुस्त रहेको आर्थिक अवस्थालाई चलायमान बनाउन महत्त्वपूर्ण भूमिका खेल्ने विश्वास व्यक्त गर्नुभयो। उहाँले मेला स्थानीय कृषक र व्यवसायीहरूका लागि आफ्ना उत्पादनहरूलाई एकै ठाउँमा ल्याएर बिक्री-वितरण तथा प्रवर्द्धन गर्ने उचित माध्यम भएको बताउनुभयो। नगर प्रमुख श्रेष्ठले यस्ता मेला महोत्सवले स्थानीय स्तरमा उत्पादित वस्तुहरूदेखि राष्ट्रिय तथा अन्तर्राष्ट्रिय स्तरका वस्तुहरूको प्रदर्शनी र किनबेचका लागि सहज प्लेटफर्म उपलब्ध गराउने धारणा राख्नुभयो।

मुलुकको हालको आर्थिक सुस्तताको समयमा अर्घाखाँची महोत्सवले व्यापारिक गतिविधि बढाउने र अर्थतन्त्रलाई गति दिनेमा जोड दिँदै, नगर प्रमुख श्रेष्ठले व्यवसायीहरूलाई कम मुनाफा राखेर गुणस्तरीय वस्तुहरू सर्वसाधारणलाई उपलब्ध गराउन समेत आग्रह गर्नुभयो।

महोत्सवमा स्थानीय कृषक र व्यवसायीका उत्पादनदेखि राष्ट्रिय तथा अन्तर्राष्ट्रिय स्तरका सामग्रीहरूको प्रदर्शनी र बिक्रीका लागि विविध स्टलहरू राखिएका छन्। मेला अवलोकन गर्न आउने दर्शकहरूको मनोरञ्जनका लागि दैनिक रूपमा राष्ट्रिय तथा स्थानीय कलाकारहरूको बेजोड प्रस्तुति रहनेछ भने बालबालिकाहरूका लागि बाल उद्यानको व्यवस्था समेत गरिएको छ। छिमेकी जिल्लाहरू प्युठान, गुल्मी, पाल्पा र कपिलवस्तुबाट समेत उल्लेख्य दर्शकहरूको उपस्थिति रहने अपेक्षा गरिएको यस मेलाले स्थानीय उत्पादनको बजार प्रवर्द्धन गर्दै समग्र जिल्लाको अर्थतन्त्रलाई गति दिने विश्वास आयोजकले लिएको छ।

प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार