मर्चवार । रुपन्देहीको मर्चवारबाट लागू औषध सहित तीनजना पक्राउ परेका छन् । ईलाका प्रहरी कार्यालय मझगावाँ र प्रहरी चौकी मर्यादपुरको संयुक्त रुपले गएको पेट्रोलिङ गस्ती टोलीले चेकजाँचको क्रममा कोटहीमाई ३ मुर्दहियामा पक्राउ गरिएको ईलाका प्रहरी कार्यालय मझगावाँका प्रहरी निरीक्षक हिमनाथ घिमिरे बताए ।
भारतबाट नेपाल तर्फ आउदै गरेको लु ७९ प ५१०३ नम्बरको मोटरसाईकललाई चेकजाँच गर्दा मोटरसाइकलमा सवार कोटहीमाई–७ का २३ वर्षीय अजय अग्रहरी, पर्वत जिल्लाको कुस्मा–४ का २४ वर्षीय कोमिलन परियार नेपाली, म्याग्दी जिल्ला रघुगंगा–८ बस्ने २१ वर्षीय सुस्मिता श्रेष्ठसंग लागु औषध नुफिन ६८ एम्पुल, फेनारागन ६७ एम्पुल, डाईजापाम ६८ एम्पुल र नाईट्रोभेट–४३ ट्याबलेट बरामद भएको प्ररही निरीक्षक घिमिरेले जानकारी दिएका छन् । बरामद लागु औषध सहित पक्राउ परेका तीनैजनालाई कारवाही प्रकृया अगाडी बढाईएको प्रहरी निरीक्षक घिमिरेले जानकारी दिएका छन् ।
