जनकपुर । नेपाली कम्युनिष्ट पार्टीको मधेश प्रदेश स्तरिय एकता संदेश सभा जनकपुरधाममा हुने भएको छ । मंगलबार जनकपुरधाममा पत्रकार सम्मेलनमार्फत मंसिर २० गत्ते जनकपुरधामको तुरहुतिया गाछिमो मधेश प्रदेश स्तरिय एकता संदेश सभाको आयोजना हुने पार्टीका नेता एवम पूर्व मन्त्री महेन्द्र राय यादवले जानकारी दिए ।
उनले सातै प्रदेशमा एकताको सन्देश पु¥याउने अभियानअन्तर्गत जनकपुरधाममा उक्त सभा हुन लागेको बताए । उनले प्रदेशभरिबाट ४० हजार जति मानिस सहभागी हुने आंकलन गरिएको जानकारी दिए ।
नेता यादवले एकताको यस सन्देश सभामा देशको परिस्थिती, आगामी चुनाव, देशमा विद्यमान समस्याहरुको बारेमा १६ घटकका नेताहरुले आफ्नो विचार राख्ने बताए । सभामा खासगरी मधेशी जनता र मधेश प्रदेशका समस्याहरुबारे पनि शिर्ष नेताहरुले आफ्नो धारणा राख्ने उनले बताए । सो सभामा विभिन्न पार्टी परित्याग गरी नेपाली कम्युनिष्ट पार्टी प्रवेश गर्ने कार्यक्रमसमेत रहेको नेता यादवले जानकारी दिए । उनले जनमतलगायत विभिन्न पार्टीका नेता, कार्यकर्ताहरुसंग कुरा भइसहेको र सभा हुने दिन उनीहरुले पार्टी प्रवेश गर्ने जनाए ।
