मुख्य समाचार
प्रहरी निरीक्षक दिपक कुँवर 'महिनाको उत्कृष्ट प्रहरी' घोषित | बुटवलमा एक हजार १५७ परिवारलाई लालपुर्जा वितरण गरिँदै | प्रहरीको तल्लो तहका कर्मचारीको गुनासो सुन्न केन्द्रीय डेस्कको शुभारम्भ | गोरुसिङ्गे–चन्द्रौटा सडक खण्ड विस्तारको ठेक्का सम्झौता सम्पन्न | कात्तिकमा पाल्पा प्रहरीको विवरण: १५ मुद्दा दर्ता, सवारी दुर्घटनामा एकको मृत्यु | हुम्लाको विकास सपना साकार हुँदै : ३९ किलोमिटर सडक कालोपत्रे गर्न ठेक्का सम्झौता | प्रधानमन्त्री शाह र नवनियुक्त भारतीय राजदूत दलेलाबीच शिष्टाचार भेट | प्रहरी युक्ति तालिम महाविद्यालयमा कारागार सुरक्षासम्बन्धी प्रशिक्षण सम्पन्न | पाँच अर्ब ८८ करोड हिनामिना प्रकरण : बराह सहकारीका मुख्य योजनाकार सीआईबीको फन्दामा | रुपन्देहीमा २१ लाख बढीको अवैध सामान र बोलेरो गाडी बरामद |
मुख्य समाचार
प्रहरी निरीक्षक दिपक कुँवर 'महिनाको उत्कृष्ट प्रहरी' घोषित | बुटवलमा एक हजार १५७ परिवारलाई लालपुर्जा वितरण गरिँदै | प्रहरीको तल्लो तहका कर्मचारीको गुनासो सुन्न केन्द्रीय डेस्कको शुभारम्भ | गोरुसिङ्गे–चन्द्रौटा सडक खण्ड विस्तारको ठेक्का सम्झौता सम्पन्न | कात्तिकमा पाल्पा प्रहरीको विवरण: १५ मुद्दा दर्ता, सवारी दुर्घटनामा एकको मृत्यु | हुम्लाको विकास सपना साकार हुँदै : ३९ किलोमिटर सडक कालोपत्रे गर्न ठेक्का सम्झौता | प्रधानमन्त्री शाह र नवनियुक्त भारतीय राजदूत दलेलाबीच शिष्टाचार भेट | प्रहरी युक्ति तालिम महाविद्यालयमा कारागार सुरक्षासम्बन्धी प्रशिक्षण सम्पन्न | पाँच अर्ब ८८ करोड हिनामिना प्रकरण : बराह सहकारीका मुख्य योजनाकार सीआईबीको फन्दामा | रुपन्देहीमा २१ लाख बढीको अवैध सामान र बोलेरो गाडी बरामद |


पाल्पा पूर्ण संस्थागत प्रसुति सेवा तथा पूर्णखोप सुनिश्चितता दिगोपना घोषणा

Ujyalosandeshonline 12696+ समाचार ( )
५ जेठ २०८३, मङ्गलबार

पाल्पा । पाल्पा जिल्लालाई पूर्ण संस्थागत प्रसुति सेवा तथा पूर्णखोप सुनिश्चितता दिगोपना घोषणा गरिएको छ । लुम्बिनी प्रदेशका मुख्यमन्त्री चेतनारायण आचार्य ले मंगलबार एक कार्यक्रमका बीच पाल्पालाई पूर्ण संस्थागत प्रसुति सेवा तथा पूर्णखोप सुनिश्चितता दिगोपना घोषणा गर्नुभएको हो ।

कार्यक्रमलाई सम्बोधन गर्दै मुख्यमन्त्री आचार्यले प्राप्त उपलब्धीलाई दिगो बनाउन साझा प्रयत्न आवश्यक रहेको बताउनुभयो । उहाँले पाल्पा स्वास्थ्य सेवाको दृष्टिले महत्वपूर्ण जिल्ला रहेको उल्लेख गर्दै यहाँ मिसन अस्पताल, मेडिकल कलेज र जिल्ला अस्पतालमार्फत सरकारी तथा निजी क्षेत्रबाट उल्लेखनीय लगानी भएको बताउनुभयो । उहाँले पाल्पा जिल्ला भित्र मात्र नभई बाहिरी जिल्लाका बिरामीसमेत उपचारका लागि आउने केन्द्रका रूपमा विकास भएको धारणा राख्नुभयो ।

मुख्यमन्त्री आचार्यले जिल्ला अस्पतालको जग्गा प्राप्तिको विषयमा विगतदेखि नै छलफल भइरहेको बताउँदै संघीय सरकारले बनाएको मापदण्ड पूरा नभएका कारण प्रक्रिया केही जटिल बनेको उल्लेख गर्नुभयो । उहाँले ५० शैयाको अस्पताल निर्माणका लागि आवश्यक मापदण्ड तथा नियमावली अगाडि बढाइएको जानकारी दिँदै आगामी आर्थिक वर्षमा बहुवर्षीय आयोजनाका रूपमा कार्यक्रम अघि सारिने बताउनुभयो । भवन निर्माणको कामलाई पनि तीव्र रूपमा अघि बढाइने उहाँको भनाइ थियो ।

उहाँले स्वास्थ्य क्षेत्रलाई उच्च प्राथमिकतामा राखेर आगामी वर्षको बजेटमार्फत विशेष प्राथमिकता दिइने उल्लेख गर्दै प्रदेशभित्रै विशेषज्ञ उपचार सेवा सुनिश्चित गर्न प्रदेश सरकार प्रतिबद्ध रहेको, लुम्बिनी प्रादेशिक अस्पताललाई सुविधा सम्पन्न बनाउनेगरी सरकारले लगानी लगाएको स्पष्ट पार्नुभयो ।‘लुम्बिनी प्रदेशको विरामी थप उपचार सेवा लिन अनेत्र जानु नपरोस, आफ्नै प्रदेश भित्रको अस्पतालबाट निको भएर घर फर्किने वातावरण बनाउन चाहन्छौं’उहाँले भन्नुभयो,‘हामिले लुम्बिनी प्रादेशिक अस्पताललाई सोही रुपमा अघि बढाएका छौं । त्यो अस्पताल रुपन्देहीको मात्रै होइन, सिंगो लुम्बिनी प्रदेशका बासिन्दाको अस्पताल हो ।’

मुख्यमन्त्री आचार्यले अथक प्रयासबाट पाल्पाले लुम्बिनी प्रदेशलाई गर्व गर्ने अवसर दिएको उल्लेख गर्दै स्वास्थ्य क्षेत्रमा अब्बल काम गरेर उदाहरण प्रस्तुत गरेकोमा सरोकारवालालाई धन्यवाद दिनुभयो । सफल हुनु मात्रै ठूलो कुरा नभई त्यसलाई दीगो बनाएर निरन्तरता दिनु अझ चुनौतीपूर्ण रहेको उहाँको भनाइ थियो ।

पूर्णखोप तथा संस्थागत प्रसुति सेवाको उपलब्धीलाई दीगो बनाउन राजनीतिक दल, जनप्रतिनिधि, स्वास्थ्यकर्मी तथा स्वास्थ्य क्षेत्रका सबै सरोकारवालाको महत्वपूर्ण भूमिका रहने मुख्यमन्त्री आचार्यले बताउनुभयो । उहाँले गुणस्तरीय सेवा प्रवाहलाई प्रभावकारी बनाउन वर्थिङ्ग सेन्टरलाई व्यवस्थित र आवश्यकताअनुसार मर्ज गर्दै सञ्चालन गर्नुपर्ने आवश्यकता औँल्याउनुभयो । कार्यक्रममा महिला स्वास्थ्य स्वयंसेविकाको योगदानको प्रशंसा गर्दै उहाँले सेवा अवधिपछि विदाई हुँदा सम्मानस्वरूप ५० हजार रुपैयाँ उपलब्ध गराउने व्यवस्था गरिएको जानकारी दिनुभयो ।

प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार