भैरहवा । लगातार चौथो जित संगै नेपाल पुलिस क्लब प्रधानमन्त्री कप क्रिकेट प्रतियोगिताको शिर्ष स्थानमा उक्लिएको छ । सोमबार भैरहवाको सिद्धार्थ क्रिकेट रङ्गशालामा भएको खेलमा पुलिसले शसस्त्र प्रहरीलाइ ५८ रनले हराएको छ ।
ललित राजवंशी बलिङ्गमा चम्किदा पुलिसले मध्यम स्कोरमा पनि जित बटुलेको छ । पहिले ब्याटिङ्ग गरेको पुलिसले ४१ ओभरमा आफ्ना सबै विकेट गुमाउदै १ सय ४५ रन बनाएको थियो । उसका लागि दिलिपनाथले ४४ रन बनाए । यस्तै अर्जुन साउदले ३१ तथा शंकर रानाले २२ रन बनाए ।
बलिङ तर्फ शसस्त्रका भुवन कार्कीले ३ विकेट, अमर रौटेला तथा रमेश कुर्मिले समान २÷२ विकेट लिए ।
१ सय ४६ रन लक्ष्य पाएको शसस्त्र ३४ ओभरमा आफ्ना सबै विकेट गुमाउदै ८७ रन मात्र जोड्न सक्यो । उसका लागि सन्दिप जोराले २५ रन र अमर रौटेलाले २३ रन बनाए । शसस्त्रका कप्तान रोहित पौडेल, लोकेश बम, मौषम ढकाल एवम रमेश कुर्मि शून्य रनमै आउट भएका थिए ।
बलिङलमा नेपाल पुलिसका ललित राजवंशीले ७ ओभरमा ४ मेडेन सहित ८ रन मात्र खर्चिए । राजवंशीले ५ विकेट लिदा पुलिसकै अर्का बलर रशिद खाँनले २ विकेट लिए ।
