मुख्य समाचार
नेपाल–भारत द्विपक्षीय सहकार्यका विविध पक्षमा छलफल | जलीय जैविक विविधता जोगाउन रुपन्देहीका जलाशयमा २५ हजार माछाका भुरा छोडियो | प्रधानमन्त्रीको भारत भ्रमणमा सुस्ताको पीडा उठाउन स्थानीयको माग | नवलपरासीमा तस्करीको स्वरूप फेरियो : मोटरसाइकलमार्फत ओसारपसार र प्रहरीको नाममा असुलीको आरोप | लुम्बिनी सांस्कृतिक नगरपालिकामा आगो लगाई वातावरण प्रदूषित गर्ने पाँच जना नियन्त्रणमा | आठवटै एनपिएल क्लबलाई आफ्नै रङ्गशाला : प्रधानमन्त्री शाह | प्रहरी निरीक्षक दिपक कुँवर 'महिनाको उत्कृष्ट प्रहरी' घोषित | बुटवलमा एक हजार १५७ परिवारलाई लालपुर्जा वितरण गरिँदै | प्रहरीको तल्लो तहका कर्मचारीको गुनासो सुन्न केन्द्रीय डेस्कको शुभारम्भ | गोरुसिङ्गे–चन्द्रौटा सडक खण्ड विस्तारको ठेक्का सम्झौता सम्पन्न |
मुख्य समाचार
नेपाल–भारत द्विपक्षीय सहकार्यका विविध पक्षमा छलफल | जलीय जैविक विविधता जोगाउन रुपन्देहीका जलाशयमा २५ हजार माछाका भुरा छोडियो | प्रधानमन्त्रीको भारत भ्रमणमा सुस्ताको पीडा उठाउन स्थानीयको माग | नवलपरासीमा तस्करीको स्वरूप फेरियो : मोटरसाइकलमार्फत ओसारपसार र प्रहरीको नाममा असुलीको आरोप | लुम्बिनी सांस्कृतिक नगरपालिकामा आगो लगाई वातावरण प्रदूषित गर्ने पाँच जना नियन्त्रणमा | आठवटै एनपिएल क्लबलाई आफ्नै रङ्गशाला : प्रधानमन्त्री शाह | प्रहरी निरीक्षक दिपक कुँवर 'महिनाको उत्कृष्ट प्रहरी' घोषित | बुटवलमा एक हजार १५७ परिवारलाई लालपुर्जा वितरण गरिँदै | प्रहरीको तल्लो तहका कर्मचारीको गुनासो सुन्न केन्द्रीय डेस्कको शुभारम्भ | गोरुसिङ्गे–चन्द्रौटा सडक खण्ड विस्तारको ठेक्का सम्झौता सम्पन्न |


माध्यमिकी परिक्रमाको तयारी तीव्र : मिथिला बिहारीमा महाआरती हुने

Ujyalosandeshonline 12702+ समाचार ( )
१३ फाल्गुन २०८१, मङ्गलबार

जनकपुर । मिथिला क्षेत्रको धार्मिक, सांस्कृतिक र ऐतिहासिक महत्त्वलाई मध्यनजर गर्दै मिथिला बिहारी महाआरती र मिथिला माध्यमिकी परिक्रमा धुमधामसँग सुरु हुदैछ । यस धार्मिक महोत्सवले नेपाल र भारतका लाखौँ श्रद्धालु र साधुसन्तलाई एकजुट गर्दै एक अद्वितीय धार्मिक यात्रा प्रस्तुत गर्ने विश्वास मिथिला बिहारी महाआरती संरक्षण समितिले लिएको छ ।

समितिका अनुसार,फागुन १५ गते बिहीवारदेखि मिथिला माध्यमिकी परिक्रमा विधिवत् रूपले आरम्भ हुनेछ । यस धार्मिक परिक्रमामा हजारौं भक्तजन र साधुसन्तहरू नेपाल र भारतका पवित्र धार्मिक स्थलहरूमा यात्रा गर्दै पुण्य प्राप्ति र आत्मिक शान्ति चाहन्छन् ।

मिथिलाको ऐतिहासिक परम्परा अनुसार परिक्रमा धनुषाको ठेरा कचुरी मठबाट शुरू हुनेछ । त्यसपछि विभिन्न धार्मिक स्थलहरू हुँदै भारतको कल्याणेश्वरसम्म पुग्ने समितिले जनाएको छ  । 

यस परिक्रमाको मुख्य उद्देश्य पाप नाश र पुण्य प्राप्ति हो । धार्मिक स्थलहरूको परिक्रमा गर्दा भक्तजनहरूले झाँकी, भजन र कीर्तन जस्ता धार्मिक क्रियाकलापहरूमा पनि भाग लिनेछन् । यस अवसरमा कञ्चनवन मन्दिरमा होलीको औपचारिक शुरुवात पनि हुनेछ । कञ्चनवनमा भक्तजनहरूले एकआपसमा होली खेल्ने परम्परा रहेको छ ।

यस महोत्सवको एक अन्य प्रमुख कार्यक्रम भनेको मिथिला बिहारी महाआरतीलाई लिइएको छ । महाआरती फागुन १४ गते बुधवार साँझ ७ बजे कचुरी मठमा आयोजना गरिने छ । यस भव्य आरतीमा हजारौँ श्रद्धालु र भक्तजन उपस्थित हुने अपेक्षा छ ।

महाआरतीका अवसरमा समग्र मिथिला क्षेत्रभर एक विशेष धार्मिक उत्सवको माहौल हुनेछ । यस महाआरतीले न केवल श्रद्धालुहरूको आध्यात्मिक उन्नति हुनेछ, बरु यस क्षेत्रको सांस्कृतिक धरोहरलाई विश्वभर चिनाउने अवसर पनि प्राप्त हुने विश्वास लिइएको छ ।

कलश यात्रा फागुन १४ गते बुधवार बिहान ८ बजे आरम्भ हुने भएको छ भने महाआरती सोही साँझ ७ बजेदेखि हुने मिथिला बिहारी महाआरती संरक्षण समितिले जनाएको छ । त्यस्तै, डोला प्रस्थान फागुन १५ गते विहिबार बिहान ८ बजे मिथिला बिहारी नगरपालिका–८ कचुरी मठबाट गरिने छ ।

यस धार्मिक यात्रा र महाआरतीका अवसरमा नेपाल र भारतका भक्तजनहरू एकसाथ आउँदै धार्मिक सहकार्य र सांस्कृतिक सम्बन्धलाई थप मजबुत बनाउन महत्वपूर्ण योगदान दिनेछन् । मिथिला बिहारी महाआरती र माध्यमिकी परिक्रमा एक ऐतिहासिक अवसरको रूपमा रहेका छन् । समितिले सम्पूर्ण नगरवासी, विद्यार्थी, समाजसेवी, साधुसन्तलाई यस धार्मिक यात्रामा सहभागी हुन र यस महोत्सवलाई सफल बनाउन आग्रह गरेको छ ।


प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार