दाङ । दाङकाे एक प्लाइ उद्योगमा लागेकाे आगलागी नियन्त्रणमा सबै विकल्प अपनाउदै मानव वस्तिलाइ सुरक्षित गर्नेगरी विपद् प्रतिकार्यकाे काम भइरहेको लुम्बिनी प्रदेशका मुख्यमन्त्री चेतनारायण आचार्यले बताउनु भएको छ ।
सुरक्षा निकाय संग निरन्तर सम्पर्क र समन्वय भइरहेकाे, आगलागी मानव बस्तिमा प्रवेश हुनबाट जाेगाउनेगरी प्रतिकार्यकाे काम भइरहेको बताउनु भएको हाे ।`सुरक्षा निकाय संग निरन्तर सम्पर्क भइरहेको छ ।थप क्षति हुन नदिनेगरी प्रदेशका अन्य जिल्लाहरुबाट दमकल पुगिरहेका छन´उहाँले भन्नुभयाे-`थप क्षति हुन नदिनेगरी प्रतिकार्यकाे काम अघि बढेकाे छ ।´
घाेराही उपमहानगरपालिका-९ खैरामा सांग्रिला प्लाइ उद्योगमा आगलागी भएको हाे । प्लाइ बनाउन प्रयाेग हुने काठ, कच्चापदार्थ, प्लाई बनाउन प्रयाेग हुने मेसिनलगायतका सामाग्री जलेका कारण आगाे अझै नियन्त्रणमा आउन सकिरहेकाे छैन ।
