भैरहवा । गर्मी बढ्दै गएपछि रुपन्देहीको सिद्धार्थनगर नगरपालिकाले विद्यालय विदा गरेको छ । भैरहवा तथा यस आसपासको तापक्रम लगातार बढ्दै गएको कारण विद्यार्थीहरुको स्वास्थ्यमा प्रतिकुल असर पर्ने भन्दै नगरपालिकाले एक सूचना गरि विद्यालय विदा दिने जनाएको छ ।
नगर प्रमुख ईस्तियाक अहमद खाँनद्वारा जारी सूचनामा बर्षे विदाबाट कट्टा हुने गरि १८ गते शुक्रबार देखि जेठ २५ गते सम्म विदा दिने उल्लेख छ ।
यस अघि मायादेवी गाउँपालिकाले जेठ १६ गते देखि १८ गते सम्मलाई विद्यालयहरुमा विदा दिएको थियो ।
