भैरहवा । मंगलबार देखि भैरहवामा तीन दिवसीय क्रिकेट प्रतियोगिताको आयोजना हुदैछ । पहिलो श्रेणीको क्रिकेट अन्र्तगत रहेको यो प्रतियोगिता भैरहवामा आयोजना हुने भएको हो ।
रातो बल र सेतो पोशाकमा तीन दिनसम्म खेलाईने यो खेल नेपालमा अन्यत्र नखेलाईएको आयोजक रुपन्देही क्रिकेट संघका सचिव सञ्जय गुरुङ्गले दावी गरे । “बिशेषतः खेलाडीहरुलाई ठूलो फम्र्याटका खेलमा अभ्यस्त बनाउने उद्देश्य सहित यो प्रतियोगिताको अवधारणा ल्याएका हौं ।” गुरुङ्गले भने “यस्तो खेल नेपालको अन्य स्थानमा आयोजना भएको जानकारी छैन ।”
भैरहवाको सिद्धार्थ क्रिकेट रङ्गशालामा आयोजना हुने यो प्रतियोगिता यस बर्ष दोश्रो संस्करण हो । गत बर्ष पनि यसै अन्र्तगत एक खेल भईसकेको गुरुङ्गले बताए । खेल ३ सम्म सञ्चालन हुने र यसमा प्रत्येक टोलीले २ ईनिङ्ग खेल्नुपर्ने छ । खेलमा रन, विकेट लगायतमा अंक दिदै जाने र खेल बराबरी हुने अवश्था आए अंककै आधारमा विजेताको घोषणा हुने गुरुङ्गले बताए ।
यस बर्ष प्रतियोगितालाई भैरहवाकै करणी ईण्टरप्राईजेजका सञ्चालक सुनिल सेठिया र हरिश सेठियाले सहयोग गरेका छन् । बुवा स्वर्गीय पवन कुमार सेठियाको स्मरणमा आयोजना हुने प्रतियोगितालाई “स्वर्गीय पवन कुमार ममोरियल तीन दिवसीय क्रिकेट प्रतियोगिता” नाम दिईएको छ । माघ २३ गते देखि सुरु भई प्रतियोगिता माघको २ गते सम्म चल्ने खेल संयोजक पुनित पोखरेलले बताए । रुपन्देही सुपर लिगको २०७८ सालको विजेता मेलबर्न क्रिकेट क्लब र २०७९ सालको विजेता वेष्टर्न क्रिकेट क्लब बिच प्रतियोगिता हुनेछ । विजेतालाई २० हजार पुरस्कार राशी रहेको यो प्रतियोगितामा करिब २ लाख ५० हजार खर्च हुने अनुमान गरिएको छ ।
स्वर्गीय पवन कुमार ममोरियल तीन दिवसीय क्रिकेट प्रतियोगिता लगत्तै रुपन्देही क्रिकेट संघले कलेज स्तरिय प्रतियोगिता तथा रुपन्देही सुपर लिगको आयोजना गर्ने कार्यक्रम रहेको संघका उपाध्यक्ष धिरज क्षेत्रीले बताए ।
संघका उपाध्यक्ष धिरज क्षेत्रीको अध्यक्षतामा सम्पन्न पत्रकार सम्मेलनमा नेपाल क्रिकेट संघका निर्वतमान कार्यवाहक सचिव प्रशान्त बिक्रम मल्लको पनि उपस्थिति रहेको थियो ।
