भैरहवा । बुद्ध एयरको जहाज चिप्लेर रनवे बाहिर पुगेको कारण भएको गौतमबुद्ध अन्र्तराष्ट्रिय विमानस्थल सञ्चालनमा आएको छ । रनवे बाहिर रहेको जहाज निकाल्न नसकिए पनि बिमानस्थललाई दोहोरो रुपमा सञ्चालन गरिएको छ ।
बुद्ध एयरको उडान संख्या ८०५ को जहाज बिहिबार राती अवतरणको क्रममा चिप्लिएर रनवे भन्दा बाहिर पुगेको थियो । बिमानस्थलका सूचना अधिकारी विनोद रावतका अनुसार भैरहवाका रनवे फराकिलो र ठूलो भएको कारण अन्य जहाजलाई असर गर्दैन ।“ सुरुमा विहान भैरहवा रहेका ३ वटा जहाजहरुलाई पठाएका थियौ ।” उनले भने “दिउसो देखि दुईतर्फि रुपमै जहाजहरु उडान एवम अवतरण भईरहेका छन् ।”
रावतका अनुसार गएराति अवतरणका क्रममा धावनमार्गबाट चिप्लिएको बुद्ध एयरको जहाज अझैं हटाउन सकिएको छैन । जहाज संवेदशील हुने भएकाले सावधानी पुर्वक हटाउने काम भइरहेको उनले बताए ।
