अर्घाखाँची । जिल्ला प्रहरी कार्यालय अर्घाखाँचीको गस्ती टोलीले शितगंगा नगरपालिका–११, बोक्सेस्थित गोठमा वेवारिसे अवस्थामा रहेका विष्फोटक पदार्थ र हतियार फेला पारेको छ। प्रहरी प्रमुख दिवस बहादुर जि.सी.को कमाण्डमा खटिएको टोलीले २ थान भरुवा बन्दुक, १४ थान ग्रिनेट, १२ थान डेटोनेटर, ३ थान लन्चर जस्तो देखिने पाइप, १ थान प्रेसर कुकर बम, १ थान डलु बम, तार र बारुद लगायतका सामग्री बरामद गरेको हो।बरामद भएकामध्ये भरुवा बन्दुक बाहेक अन्य सबै विष्फोटक पदार्थ नेपाली सेनाको सहयोगमा सुरक्षित रूपमा डिस्पोज गरिएको छ। घटनाका सम्बन्धमा थप अनुसन्धान भइरहेको प्रहरीले जनाएको छ।
अर्घाखाँचीको शितगङ्गामा ठूलो परिमाणमा विष्फोटक पदार्थ र बन्दुक फेला
१२ पौष २०८२, शनिबार
