भैरहवा । भारतको हरिद्वारस्थित पतञ्जली योगपिठले रूपन्देहीमा योग प्रशिक्षण केन्द्र र वेलनेस सेन्टर स्थापना गर्ने भएको छ । पतञ्जलीले रूपन्देहीको धकधईमा एक अर्ब रूपैयाँको लगानीमा आयुर्वेदिक औषधि उद्योग सञ्चालन गर्ने जनाएको छ ।
योगपिठका अध्यक्ष आयुर्वेद शिरोमणि आचार्य बालकृष्णले बुटवलमा पत्रकार सम्मेलन गर्दै नेपालमा जडिबुटीको भण्डार रहेको र तिनै जडिबुटीको सदुपयोग गर्दै आयुर्वेदिक औषधि उद्योग सञ्चालन गर्ने जानकारी दिनुभएको हो ।
नेपालका हिमाल, पहाड, तराईका वनजंगल, खोलानाला तथा खोल्सा खोल्सीमा जडिबुटीहरूको भण्डार रहेको तर ती जडिबुटीको उचित प्रयोग हुन सकेको नसकेको भन्दै आचार्य बालकृष्णले खेर गैरहेका त्यस्ता जडिबुटीको सदुपयोगका लागि उद्योग सञ्चालन गर्न लागिएको जनाउनुभयो । उद्योग स्थापनापछि ५ सय बढीले रोजगारी पाउने र उनीहरू अधिकांश स्थानीय नै हुने आचार्य बालकृष्णको भनाई छ । नेपाल र भारतको राजनीतिक सीमा र सम्बन्ध फरक भए पनि सांस्कृतिक विरासत एउटै भएको आचार्य बालकृष्णको भनाई छ ।
Sihorwa